مسلسل #حالة_خاصة .. يدخل قلبك بهدوء ونعومة وبساطة متناهية .. مفيهوش حاجة وحشة وبدون حشو ولا مط ولا تفاصيل ملهاش لازمة .. لحد التترات والموسيقى التصويرية للموسيقار هاني شنودة .. موسيقى مختلفة وإحياء فرقة المصريين ف التمانينات .. دمج متناغم لفرق زمني اكتر من ٤٠ سنة .. وكإن الاغاني والموسيقى متفصلة عالمسلسل .. مش اي حد يعملها دي يا موسيقار ..
وطه دسوقي ممثل شاب اجاد دوره كمتوحد و عرفت منه ان الناس المهمة بس هي اللي بتتأخر 😂 اوسكار يا طه بأمانة والله ..
شايل المسلسل بدور مركب في منتهى الصعوبة والتعقيد من غير ولا غلطة ف اي تفصيلة مهما كانت صغيرة .. ببساطة تشدك وتخطفك .. خلاك تفرح لما يكون مبسوط .. وتزعل لما يكون متضايق .. وتتأثر بكل انفعالاته .. برغم انك بتحسها بس مش بتشوفها .. لإن ملامحه ونبرة صوته بتتكرر في مساحة ضيقة جدا طبقا لحالته كمتوحد .. تحية ليك يا عبقري .. ولكل طاقم العمل ده من اكبر لاصغر حد .. ادي الاعمال الفنية الراقية اللي تتشاف بجد ..
ارشح لكم مسلسل حالة خاصة ..
