لو انت من الغالبية اللي بيعتقدوا إن لفظ “فرعون” لقب ملوك مصر وجمعه “فراعنة” فأنت محتاج تراجع معلوماتك
لأن لفظ (فرعون) إسم وليس لقب
لو فتحنا اللغة العربية هنلاقي إن هناك قاعدة بتقول إن الالقاب يضاف إليها “ال”
زي الطبيب او الملك او الوزير.. ولما نقرأ فى القرأن الكريم هنلاقي إن لفظ (فرعون) تم ذكره 74 مرة.. ولا مرة منهم ذكره الله بلفظ (الفرعون)
إذا اللغة العربية برهنت إن (فرعون) اسم زي هامان مثلا او غسان او سمعان.. والاسم لا يجمع.. فلا يجوز جمع اسم سمعان ب سماعنة مثلا
نيجي بقى للحضارة المصرية
لما دورنا فى الحضارة المصرية موجدناش اسم ملك تم تلقيبه بفرعون او الفرعون
يعني مثلا موجدناش “الفرعون جحوتي مس الثالث” “تحتمس الثالث”
عامة.. الملوك المصريين كان ليهم خمسة ألقاب
١- النبتي
٢- الحوري
٣- السارع
٤- الحرنوب
٥- النسوبيتي
وحقا بمعني الحاكم
لفظ “بر-عا” نفسه لفظ من العصور المتأخرة ويقصد به بيت الحاكم وحاشيته.. ولم يتم ذكره او استخدامه كلقب.. ك “برعا رمسيس الثاني” او “برعا ابسماتيك الاول”
قصة فرعون عموما كانت بتتكلم عن شخص اسمه فرعون.. ولو فتحنا سورة العنكبوت هنلاقي قول الله تعالى “وقارون وفرعون وهامان وقد جاءهم موسى بالبينات” لم يرد أن الله يتم إستبدال إسم ملك بإسم بيته
كلها كانت محاولات فاشلة لربط كلمة عربية بكلمة مصرية قديمة.
#عاشقة_مصر
لفظ فرعون اسم وليس لقب
